ಮೌನ

ಈ ಮೌನದಲ್ಲೇನಿದೆ, ಇರುವುದೆಲ್ಲ ಬರಿ ಮಾತಿನಲ್ಲಿ
ಈ ವಿರಹದಲ್ಲೇನಿದೆ, ಇರುವುದೆಲ್ಲ ಪ್ರೀತಿಯಲ್ಲಿ.

ಯಾಕಿರುವೆ ಹೀಗೆ, ಮೋಡ ಕವಿದ ಬಾನಿನಂತೆ
ನರಳುತಿರುವೆ ಏಕೆ, ಮಳೆ ಕಾಣದ ಭುವಿಯಂತೆ
ಕಾದಿರುವೆ ಏಕೆ, ಯಾವ ಸಮಯ ಬರುವುದೆಂದು....

ಎದೆಯಲ್ಲಿ ನೋವು, ಮನದಲ್ಲಿ ಕಾತುರ
ತಲೆಯಲ್ಲಿ ಯೋಚನೆ, ದೇಹಕ್ಕೆ ಯಾತನೆ
ಇದು ನೆಮ್ಮದಿ ಕೆಡಿಸಿಹ ಚಿಂತೆಯೋ
ಇಲ್ಲ ಮನಸ್ಸು ಕೊಲ್ಲುತಿಹ ಚಿತೆಯೋ.

ಮೌನ ಬಿಡು ಮಾತನಾಡು,
ಮನಸ್ಸಿನ ಭಾವನೆಗಳ ಹೊರಹಾಕು
ನಲಿ ನಲಿಯುತ,
ಹೊಸ ಜೀವನದ ನಾಂದಿ ಹಾಡು.


ಮಾತೆ ಮುತ್ತು, ಮಾತೆ ಮೃತ್ಯು......